अनुभवातून मी

  मला चांगलं आठवतंय माझ्या लहानपणी मी तिसरी - चौथीला असतानाची गोष्ट आहे . शिक्षणाच्या बाजारामध्ये नवीन - नवीन गोष्टींचं आगमन झालं होत . त्यामध्ये सेमी इंग्लिश , इंग्लिश माध्यम , सी.बी.एस.ई  पॅटर्न  , आमुक तमुक  पॅटर्न ई. गोष्टींचा समावेश होता . कदाचित लोकांनाही  त्या गोष्टींचं झालेलं आगमन आवडलं असावं . त्यामुळे जे आपल्याला भेटलं नाही ते आपल्या पोरांना भेटावं त्या अपेक्षेने लोक आपल्या लाडक्या मुलांना या नवीन शिक्षणाची चव चाखवत होते . आमच्या नातेवाईकांमध्येही काहीजणांनी त्यांच्या मुलांना  सी.बी.एस.ई  पॅटर्न ला टाकले होते . म्हणून मलाही माझ्या वडिलांनी  सी.बी.एस.ई  पॅटर्न  मध्ये टाकावं असं मला सारखं वाटत होत . सकाळी सहा ते संध्याकाळी सहा पर्यंत असणारी त्यांची शाळा , त्यांचे वेगवेगळे असलेले युनिफॉर्म , त्याच्या शाळेत राबणारे नवीन - नवीन कार्यक्रम हे सगळं मला तेव्हा मोहात पडणार होत . म्हणून मी माझ्या वडिलांकडे सारखा हट्ट करायचो . महाली त्याचा शाळेत जायचं नाहीतर मी तुम्हाला बोलणारच नाही अश्या धमक्या देयचो  .    मा...